ޑިމޮކްރަސީ: ދިވެހިންގެ އާ ދީންބާ؟

ދީނަކީ ދިރިއުޅުމުގެ މަންހަޖެވެ. އަގީދާއާއި ތިމާ ޤަބޫލުކުރާ ކަންތައްތަކާއި ތިމާގެ ފިކުރު ބައްޓަންކުރާ ސަމުގާއެވެ. ކުރުގޮތަކަށް ބުނާނަމަ ދީނަކީ ދިރިއުޅުމުގެ އުޞޫލެވެ. އަސާސެވެ. ދީނަކަށް ތަބާވުމަކީ ކޮންމެ އިންސާނެއްގެ ތަބީޢަތުގައިވެސް ލައްވާފައިވާ ސިފައެކެވެ. އެގޮތުން ބައެއް މީހުން އެބައިމީހުން ޚަލްޤު ކުރެއްވި ﷲ سبحانه وتعالى‎ ބާއްވާލެއްވި ހައްޤުދީނުގެ މަތީގައި ދިރިއުޅުމުގެ އަސާސްތައް ބިނާކުރެވޭތޯ މަސައްކަތްކުރާއިރު އަނެއްބަޔަކު ހިފާފައިވަނީ އިސްވެދިޔަ އުންމަތްތަކުގެ މައްޗަށް ބާއްވާލެއްވުނު އަޤީދާތަކުގެ ތެރެއިން މަންސޫޙްކުރެވި އަދި އެ އަޤީދާތަކުގެ އަސްލު އޮޅިފައިވާ ދީންތަކަކަށް ތަބާވުމުގައެވެ. އަނެއްބަޔަކު އެބައިމީހުންގެ އަމިއްލަ އަތުން ކޮށާމަށާ ޒީނަތްތެރިކޮށްފައިވާ ތަކެއްޗަށާއި މާތް ﷲ ޚަލްޤުކުރެއްވި މަޚްލޫޤުންނާއި އިންސާނުންގެ ފިކުރުން އުފައްދާފައިވާ ތަފާތު ދެކޮޅުނުޖެހޭ ފިލޯސަފީތަކަށް ތަބާވެ އެއަށް އަޅުކަންކުރުމުގައިވަނީ ކުރިއަރާ ގޮސްފައެވެ. އަދި އަނެއްބަޔަކު ދީނެއް ޤަބޫލުނުކުރާކަމުގެ ދަޢުވާކުރަމުން ދާހިނދުމެ ވަނީ މާއްދިއްޔަތުގެ އަޅުންނަށްވެނިމިފައެވެ.

ނަފްސުގެ އަމާންކަމާއި ހަމަޖެހުން ހޯދޭނީ ކިހިނެތް؟

ފުރަތަމަބައި: ތަޢާރުފް

ނަފްސުގެ ހިތްހަމަޖެހުމާއި އަމާންކަމުގެ މަޢުލޫއަކީ އެމަޢުލޫއެއްގައި މުޅި ދުނިޔޭގެ އެންމެހާ އިންސާނުން ހިމެނި އާންމުވެފައިވާ މަޢުލޫއެކެވެ. އެހެނީ މި ދުނިޔޭގައި މާތް ﷲ سبحانه وتعالى‎ ޚަލްޤުކުރައްވާފައިވާ ކޮންމެ އިންސާނަކީވެސް އޭނާގެ ނަފްސުގެ ހަމަޖެހުމާއި އަމާންކަމަށް އެދޭ މީހެކެވެ. އެކަން ހާޞިލްކުރުމަށް ކަރުހިއްކައިގެންފައިވާ މީހެކެވެ. މި އިޙްސާސަކީ ނުވަތަ ނަފްސުގެ އަމާންކަމާއި ހަމަޖެހުން ހޯދުމުށް އިންސާނާގެ ހިތުގައި އުފެދޭ ޖަޒުބާތަކީ ހަމައެކަނި މިއަދުގެ ދުނިޔޭގެ ހާލަތާއި ގުޅިފައިވާކަމެއް ނޫނެވެ. އެހެންނަމަވެސް މީގެ އެތައްޒަމާންތަކެއް ކުރިންސުރެ މުޅި އިންސާނީ ނަސްލު އަންނަނީ މިކަން ހާޞިލްވޭތޯ މަސައްކަތްކުރަމުންނެވެ.

އިމާންތެރިކަމާއި އަފޫކުރުމުގެ މަންޒަރު ގެނެސްދެވުނީތީ މަޢާފަށްއެދެން؟؟؟

އެމެރިކާގެ ނޫހެއްކަމުގައިވާ "ދި ޕޯޓްލޭންޑް ޕްރެސް ހެރަލްޑް" ގެ ބޭރުގަނޑުގައި ފާއިތުވެދިޔަ ސެޕްޓެމްބަރު މަހުގެ 11 ވަނަ ދުވަހު ޖަހާފައިވާ ޚަބަރަކީ ޔުނައިޓަޑް ސްޓޭޓްސްގެ ރަށެއްކަމުގައިވާ މެއިނޭގައި މުސްލިމުން އެބައިމީހުންގެ ރޯދައިގެ މަތިވެރި އަޅުކަމަށްފަހު ޢީދުގެ އުފާފާޅުކުރިކަމުގެ ޚަބަރެވެ. ޕޯރޓްލަންޑްގެ އެކްސްޕޮސިޝަން ބިލްޑިންގުގައި ބޭއްވުނު ޢީދު ނަމާދުގައި ތިންހާހެއްހާ މުސްލިމުން ބައިވެރިވެ ޢީދުނަމާދު ކުރި މަންޒަރުގެ ފޮޓޯ ހިމަނާފައިވާ މި ޚަބަރުގައި އެމަންޒަރު ސިފަކޮށްފައިވަނީ އީމާންތެރިކަމާއި އަފޫކުރުމުގެ މަންޒަރެއްގެ ގޮތުގައެވެ. އަދި މިޚަބަރުގެ ދަށު ސުރުހީއެއްގެ ގޮތުގައި ލިޔެފައިވަނީ "ދިރި އުޅުމުގެ އުފާވެރިކަން ފާހަގަކުރަމުން އަދި ނަސީބު ދެރަމީހުންނަށް އެހީތެރިވެދޭހާލު މުސްލިމުން ރަމަޟާންމަހުގެ ނިމުން ފާހަގަކޮށްފި" މިފަދައިންނެވެ. އެ ޚަބަރުގައި މުސްލިމުންނަށް ތަޢުރީފްކޮށް ގިނަ ވާހަކަތަކެއް ލިޔެފައިވެއެވެ. އަދި ހަމަ އެހެންމެ ކުރިން އެ އެކްސްޕޯގައި އީދުގެ އުފާ ފާޅުކުރަމުންދިޔަ ކުޑަ ކުޑަ ޖަމާޢަތް މިއަދު ބޮޑުވެފައިވާ މިންވަރުވަނީ ސިފަކޮށްދީފައެވެ.

އިސްލާމްދީނުގައި އަންހެނުންނަކީ ޝަރަފުވެރި ދިރިއުޅުމެއްގެ ވެރިބައެކެވެ.

وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ يَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَيُقِيمُونَ الصَّلاَةَ وَيُؤْتُونَ الزَّكَاةَ وَيُطِيعُونَ اللَّهَ وَرَسُولَهُ أُولَئِكَ سَيَرْحَمُهُمُ اللَّهُ إِنَّ اللَّهَ عَزِيزٌ حَكِيمٌ
"މުއުމިން ފިރިހެނުންނާއި، މުއުމިން އަންހެނުންނީ، އޭގެ އެއްބަޔަކު އަނެއްބަޔެއްގެ އެހީތެރިން ކަމުގައިވާ މީހުންނެވެ. އެއުރެން ހެޔޮކަންތަކަށް އަމުރުކުރެތެވެ. އަދި އެއުރެން ނުބައިކަންތައް ނަހީކުރެތެވެ. އަދި އެއުރެން ނަމާދު ޤާއިމްކޮށް، ޒަކާތްދީ، ﷲ އާއި އެކަލާނގެ ރަސޫލާއަށް ކިޔަމަންވެތެވެ. އެއުރެންނަށް ﷲ ރަޙްމަތް ލައްވާހުއްޓެވެ. ހަމަކަށަވަރުން، ﷲ އީ، އަޒީޒްވަންތަ ހަކީމްވަންތަ ރަސްކަލާނގެއެވެ." (التّوبَة 71)

ކާޅުގެ ދުލުން: އާދަމް عليه السلام ގެ ދެ ދަރިކަލުންގެ ވާހަކަ

"ދެން އޭނާގެ އަޚާގެ (ފުރާނަނެތް) މަސްގަނޑު ނިވާކުރާނީ ކޮންފަދަޔަކުންކަން އޭނާއަށް ދެއްކެވުމަށްޓަކައި، ބިން ހާވާނޭ ކާޅެއް ﷲ ފޮނުއްވިއެވެ. ދެން އޭނާ ބުންޏެވެ. އޭ، އަހުރެންނަށްހުރި ހިތާމައެއްގެ ބޮޑުކަމާއެވެ! އަހުރެންގެ އަޚާގެ މަސްގަނޑު ނިވާކުޅައުމަށް، މި ކާޅު ފަދައިންވުމަށްވެސް، އަހުރެން ނުކުޅެދިގެން ވީހެއްޔެވެ؟ ދެން، އޭނާ ހިތާމަކުރާ މީހުންގެ ތެރެއިންވިއެވެ." (المَائدة : 31)
ވަގުތަކީ ގިނަ ކަންތައްތަކަކަށް ބަދަލުގެނުވާ އެއްޗެކެވެ. އިންސާނާގެ ހަށިގަނޑުގެ ބާރު ޒުވާންކަމާއިއެކު ގަދަވެގެންދިޔަނަމަވެސް ދުވަސްވީވަރަކުން އެ ބާރުދައްވަމުންދެއެވެ. މޫނުމަތީގެ ޝާއްބަކަން ގެއްލި ރޫ އަރަން ފަށައެވެ. އިސްތަށިތައް ހުދުވެ ނުރަވެގެންދެއެވެ. އެހެންނަމަވެސް ދުވަސްވުމުގެ ސަބަބުން އެއެއްޗަކަށް ކުޑަވެސް ބަދަލެއް ނާންނަ އެއްޗެއް ވެއެވެ. އެއީ ކާޅުގެ ފަތްތަކެވެ. އޭގެ ކުލައަކަށް އެއްގޮތަކަށްވެސް ބަދަލެއްނާދެއެވެ. ކަލޭމެންގެ ތެރެއިން އެއްވެސް އިންސާނަކަށް ކާޅަށް ކުރެވުނުފަދަ ތަޖުރިބާއެއް ކުރެވުނުނަމަ ކަލޭމެންގެ އިސްތަށިތަކުގެ ކުލައަކަށް ދުވަހަކުވެސް ބަދަލެއް ނައިހެވެ.

އެއީ އަހަރެންގެ ދައްތައެވެ...

ނޯޓް: މިއީ އަބްދުލްމާލިކް އަލް ޤާސިމް ލިއުއްވާފައިވާ ހަޤީޤީ ހާދިސާއެއްގެ މައްޗަށް ބިނާކޮށް މުޙައްމަދު އަލް ޝަރީފް އިނގިރޭސި ބަހުން ލިއުއްވާފައިވާ ވާހަކައެއްގެ ތަރުޖަމާއެކެވެ.

އޭނާގެ ކޯވަނީ ވަޅުވަދެ ކުލަ ފަނޑުވެފައެވެ. އޭނާގެ ގައިގެ ހަންގަނޑު ކަށިތަކުގައި ތަތްވެފައިވާކަހަލައެވެ. ނަމަވެސް އެއިން އެއްވެސް ކަމަކުން އޭނާގެ އަޒުމަކަށް ބަދަލެއްނާދެއެވެ. އޭނާ ޤުރުއާން ކިޔެވުމުގައި މަސްޢޫލުވެފައިވާ ވަގުތެއްގައިމެނުވީ ތިބާއަކަށް އޭނާއެއް ނުފެންނާނެއެވެ. ބައްޕަ އޭނާއަށްޓަކައި ތައްޔާރުކޮށްދިން ނަމާދުކުރާ ކޮޓަރީގައި ހީވާގިކަމާއެކު އަޅުކަމުގައި އަބަދުމެ މަސްޢޫލުވެއުޅެއެވެ. ރުކޫޢުކޮށް، ސަޖިދަކޮށް، ޚާލިޤުވަންތަ ﷲ އަށް ދުޢާދެންނެވުމުގައި އޭނާގެ ބަލިކަށި އަތަކަށް ވަރުބަލިކަމެއް ނުލިބެއެވެ. ފަޖުރު ލުމަށްފަހު އިރު އޮއްސުމަށްދާންދެން އޭނާ އެގޮތުގައި ސާބިތުވެހުރެއެވެ. ފޫހިވުމަކީ އޭނާ ފިޔަވާ އެހެންމީހުންނަށް ލިބިފައިވާ ސިފައެއްފަދައެވެ.

އަނެކާއަށް އަނިޔާވެރިނުވާށެވެ! އެހެނީ އަނިޔާލިބިފައިވާމީހާގެ ދުޢާ މާތްﷲ އިޖާބަނުކުރައްވާ ދޫކޮށްނުލައްވައެވެ.

އަޅުގަނޑުމެންނީ މުސްލިމުންނެވެ. ހައްޤުގެ މަގުގައި އަޅުގަނޑުމެން ތިބިކަމުގު ދަޢުވާ އަޅުގަނޑުމެން އަޑުހަރުކޮށް ކުރަމުންދާއިރު އަޅުގަނޑުމެންގެ އަމަލުތަށް ހަތް އުޑުގެ މަތިން ބައްލަވާފަރާތެއް ވާކަމާއިމެދު އަޅުގަނޑުމެންގެ ހިތުގައި ޔަޤީންކަމެއް ނެތެވެ. އެކަލާނގެ ކުޅަދުންވަންތަވެރިކަމާއި އެކަލާނގެ އިންސާފުވެރިކަމުގެ ފުރިހަމަކަމާއިމެދު އަޅުގަނޑުމެން ހަމަހިލާ ޔަޤީނެއްނުކުރެއެވެ. ތިމާގެ ފަރާތުން އަނެކާއަށް އަދާކުރަންޖެހޭ ހައްޤުތަކާއިމެދު އަޅުގަނޑުމެންތިބެނީ ޣާފިލްކަމެއްގައެވެ. އަނެކާގެ ގަދަރާއި، އިއްޒަތާއި، ކަރާމާތުގެ މައްޗަށް ތިމާގެ ނަފްސުގެ އެދުން އިސްކޮށް އަނެކާއާއިމެދު އިހާނެތިގޮތްތައްހަދަނީ އަޅުގަނޑުމެންގެ ތެރެއިން ކިތައްކިތައް މީހުންތޯއެވެ؟ ތިބާގެ އަމަލުތަކުގެ ސަބަބުން އެމީހެއްގެ ދިރިއުޅުމާއި މުސްތަޤްބަލަށް ހިޔަނި އެޅިފައިވަނީ ކިތައްމީހުންތޯއެވެ؟ އިންސާފެއްނެތް ކިތައް ޖަރީމާ ތިބާގެ ކޮނޑުގައި އެޅިފައިވޭތޯއެވެ؟ ކިތައް މީހުންނާއިމެދު ތިބާ އިހާނެތިގޮތުގައި އަމަލުކޮށްފައިވޭތޯއެވެ؟ ކިތައް ކިތައް މީހުންގެ ފުރާނަ ތިބާގެ ޢަމަލުތަކުގެ ސަބަބުން ދުނިޔެއިން ވަކިވެގެން ގޮސްފައިވޭތޯއެވެ؟
"އަނިޔާވެރިން ކުރާކަންތަކާއިމެދު، ﷲ ޣާފިލްވެވޮޑިގެންވާކަމަށް ކަލޭގެފާނު ހީފުޅު ނުކުރައްވާހުށިކަމެވެ! އެކަލާނގެ އެއުރެން ފަސްކުރައްވާކަން ކަށަވަރީ (ކަންތައް ބޮޑުވެ) ލޯތައް ހުޅުވޭ ދުވަހަކަށެވެ." (14:42)
ތިރީގައި މި ބަޔާންކުރެވިދާ ވާހަކައަކީ އައްޝައިޚް މުޙައްމަދު ހަސަން އެބޭފުޅާގެ ދަރުސެއްގައި ގެނެސްދީފައިވާ ހަޤީޤީ ވާހަކައެއްގެ ތަރުޖަމާއެވެ.

މުސްއަބް އިބްނު ޢުމައިރު: ކޮންފަދަ މަތިވެރި ސިޔަރަތެއްތޯއެވެ!

ކައުއިތުރު ނަބިއްޔާ މުޙައްމަދު صلى الله عليه وسلم ގެ ސަހާބީންގެ ތެރެއިން މުސްޢަބް އިބްނު ޢުމައިރަކީ ޤުރައިޝްވަންހައިގެ ބަގީޗާގައި ފޮޅިފައިވާ ފުރިހަމަ މަލެކެވެ. ރީތިކަމާއި ޒުވާންކަމުން ފުރިގެންވި ބޭކަލެކެވެ. ތާރީޚް ލިޔުއްވާ ބޭކަލުން އެކަލޭގެފާނު ސިފަކުރައްވާފައިވަނީ މައްކާގެ ފިރިހެން ސާހިބުންގެތެރެއިން ޒުވާންކަމާއި ބުރުސޫރައާއި ތަނަވަސްކަމުގެގޮތުން އެންމެމަތީދަރަޖައިގެ ބޭކަލެއްގެގޮތުގައެވެ.
އެކަލޭގެފާނު ތަރުބިއްޔަތު ކުރެވި ބޮޑުފުޅުވަމުންދިޔައީ ތަނަވަސްކަމުގެ ތެރޭގައެވެ. މުދަލާއި ފައިސާވެރިކަމުގެ އަރާމާ ލައްޒަތު އެކަލޭގެފާނުގެ އެންމެ ތުއްޕުޅުއިރުންސުރެ ޙާޞިލްވަމުންދިޔައެވެ. އެގޮތުން މުސްޢަބް އިބްނު ޢުމައިރު ފަދައިން މައިންބަފައިންގެ ލޯތްބާއި، އަޅާލުމާއި، އެހީތެރިކަން ލިބިގެން ބޮޑުވަމުންދިޔަ އެހެން ކުއްޖަކު މައްކާގައި އެދުވަސްވަރުނުވެއެވެ. މައްކާގެ ރީތި މާތް ޒުވާން އަންހެން ބޭކަނބަލުންގެ އެދުމެއްކަމުގައި އެކަލޭގެފާނު ވެފައިވެއެވެ. ހަފްލާތަކާއި އެއްވުންތަކުގައި މީސްތަކުންގެ ލޯތައް އަމާޒުވަމުންދިޔަ ބޭކަލަކުކަމުގައި އެކަލޭގެފާނު ވެގެންގޮސްފައިވެއެވެ. ދުނިޔޭގެ މިފަދަ މަތިވެރިކަމާއި ޖާހް ލިބިފައިވާ މިފަދަ ޒުވާނަކު އިސްލާމްދީނުގެ އަޤީދާގެ އަހުލުވެރިންގެ ތެރެއިން މަތިވެރި ނަމޫނާއަކަށް ވެގެންހިނގައިދާނެބާވައެވެ؟ ﷲ ގެ މަތިވެރިކަމާއެވެ. މުސްއަބް އިބްނު ޢުމައިރުގެ ސިޔަރަތަކީ ކޮންފަދަ މަތިވެރި ސިޔަރަތެއްތޯއެވެ؟ އެކަލޭގެފާނު ވެވަޑައިގެންފައިވަނީ އިސްލާމީ ތާރީޚްގައި އުފެދުނު މަތިވެރި މިސާލުތަކުގެތެރެއިންނެވެ. އިސްލާމްދީނުގެ ޚިދާޔަތުގައި އެދީނުގެ ރިވެތި އަޚްލާގުގެ މަތީގައި މާތް ނަބިއްޔާގެ ތަރުބިއްޔަތުގެ ދަށުން ކުރިއަށްވަޑައިގެންނެވި މާތް ސަޙާބީއެއްކަމުގައެވެ.

ހަމަހިމޭން ދަރުސް

މީގެ ކުރިން މިސްކިތުގައި ނަމާދުގެ ޖަމާޢަތުގައި ބައިވެރިވަމުންދިޔަ މީހަކު ކުއްލިއަކަށް ޖަމާއަތުން ގެއްލިއްޖެއެވެ. މިކަން މިސްކިތުގެ އިމާމަށް ފާހަގަކުރެވުނުތާ ދުވަސްކޮޅެއްފަހުން މިކަމުގެ ހަޤީޤަތް ބެލުމަށް އޭނާއަށް ޒިޔާރަތް ކުރުމަށް އިމާމް ނިންމިއެވެ.
އެރެޔަކީ އާދައިގެ ރޭތަކަށްވުރެ ފިނި ރެޔެކެވެ. އިމާމަށް އެމީހާގެ ގެއާއި ހަމައަށް ދެވުނުއިރު އޭނޭ އޭނާގެ ގޭގައި އެކަނިވެރިކަމާއި ހަމަހިމޭންކަމާއެކު އަލިފާންގަނޑެއް ރޯކޮށްގެން އޭގެ އެހީގައި ހީފިލުވަމުންދިޔައެވެ. އިމާމް އޭނާގެ ގޭގެ ދޮރުމަށްޗަށް ހުއްޓި ސަލާމް ގޮވާލުމާއެކު އޭނާ ސަލާމުގެ ޖަވާބުދީ އިމާމް ގޭތެރެއަށް ވައްދާ އިށީނުމަށް ގޮނޑިއެއް ދެއްކިއެވެ. އިމާމް އެތެރެއަށް ވަނުމަށްފަހު ގޮނޑީގައި އިށީންދެ ހަމަޖެހިލިއެވެ. ނަމަވެސް ދެމީހުންކުރެ އެކަކުވެސް ބަހެއް ނުބުނެއެވެ. ކުރިމަތީގައި ރޯވަމުންދާ އަލިފާނުގެ ހޫނާއި އަލިކަމުން ދެމީހުންމެ ހަމަޖެހުން ހޯދަމުންދިޔައެވެ.
އިމާމް އިރުކޮޅަކު މިހެން އިނުމަށްފަހު ރޯކޮށްފައިވާ އަލިފާނުގެ ތެރެއިން ރަނގަޅަށް ރޯވެ އަނދަމުންދާ ދަރުގަނޑެއް ނަގާ ވަކިން ދުރުގައި ބޭއްވިއެވެ. އަދި އެނބުރި އައިސް އަނެއްކާވެސް ގޮނޑީގައި އިށީނެވެ. އެއްވެސް ބަހެއް ބުނުމެއް ނެތިއެވެ.
އެމީހާ އިމާމްގެ މިހަރަކާތްތައް ފަރުވާތެރިކަމާއެކު ބަލަމުން ދިޔައެވެ. ކުޑައިރުކޮޅެއްގެ ތެރޭގައި އިމާމް ވަކިން ބޭއްވި ދަރުގަނޑުގައި ރޯވެފައިވާ އަލިފާންގަނޑު ނިވި އޭގެ އަލިކަން ގެއްލިއްޖެއެވެ. މިހާރު އެދަރުގަނޑުގެ އެއްވެސް ބޭނުމެއްނެތްފަދައެވެ.

ކީރިތި ޤުރުއާނާއި މާތް ރަސޫލާ މުޙައްމަދު (صلى الله عليه وسلم) ގެ ސުންނަތައް ފުރިހަމަގޮތުގައި ތަބާވާންޖެހެއެވެ.

މާތް ﷲ އަޅުގަނޑުމެން އިންސާނުން ޚަލްޤުކުރައްވާ ދުނިޔެއާއި ދުނިޔޭގެ ވަށައިގެންވާހާ އެއްޗެއް އަޅުގަނޑުމެންގެ ޚިދުމަތުގައި ލައްވާ ގުނާ ޢަދަދު ނުކުރެވޭހާ ނިޢުމަތްތައް އަޅުގަނޑުމެންނަށް މިންވަރުކޮށްދެއްވާފައިވަނީ އެކަންކަމުން އަޅުގަނޑުމެން ފިލާވަޅުތަކެއް ލިބިގަތުމަށާއި އެ ނިޢުމަތްތައް މެދުވެރިކުރައްވާ އަޅުގަނޑުމެން އިމްތިޚާން ކުރެއްވުމަށް ޓަކައެވެ. އެއީ ރައްބުލް ކާއިނާތު އެކަލާނގެ އެންމެ މާތްކުރެއްވި މަޚްލޫޤުން ކަމުގައިވާ އިންސާނުންގެ ތެރެއިން އެކަލާނގެއަށް ހައްޤުގޮތުގައި އަޅުކަންކޮށް އެކަލާންގެ އަމުރުފުޅުތަކަށް ކިޔަމަންވަނީ ކޮންބައެއްތޯ އިމްތިޚާން ކުރައްވާ އެބައިމީހުންނަށް ޖަޒާދެއްވުމަށެވެ.
މި އިމްތިޚާން ފުރިހަމަކުރެއްވުމަށްޓަކައި އިންސާނުންނަށް މަގުދައްކާނޭ އެތަކެއް "މުދައްރިސުންނެއް" އެކަލާނގެ ރަޙްމަތްފުޅުން އަޅުގަނޑުމެންގެ މައްޗަށް ފޮނުއްވާ އެކަލާނގެ ދީން ފުރިހަމަ ގޮތުގައި އެކަލާނގެ އަޅުތަކުންނަށް ބަޔާންކޮށްދެއްވާފައިވެއެވެ. އެގޮތުން މި އުންމަތައް ފޮނުއްވެވި މާތް ނަބިއްޔާ މުޙައްމަދު (صلى الله عليه وسلم) އަކީ މުޅި އުންމަތަށް ނަމޫނާއެއްކަމުގައި އަދި ރަޙްމަތެއްކަމުގައި އެކަލާނގެ ފޮނުއްވެވި ސާހިބާއެވެ. މާތް ﷲ ކީރިތި ޤުރުއާނުގައި ވަހީކުރައްވާފައިވާ ބަސްފުޅުގެ މާނައިގައިވެއެވެ. " އަދި އާލަމްތަކަށް ރަޙްމަތެއްކަމުގައިމެނުވީ، ތިމަންރަސްކަލާނގެ ކަލޭގެފާނު ނުފޮނުއްވަމެވެ." (الاٴنبیَاء 107) އަދިވެސް އެކަލާނގެ އެކަލާނގެ ވަޙީކުރައްވާފައިވާ ބަސްފުޅެއްގެ މާނައިގައިވެއެވެ. "އަދި ހަމަކަށަވަރުން، ކަލޭގެފާނު ވަނީ މާތްވެގެންވާ ޚުލުޤުފުޅެއްގެ މަތީގައެވެ." (القَلَم 4)

މުސީބާތުގެވަގުތަކީ ނާއުންމީދުވާންވީ ވަގުތެއްނޫނެވެ.

ތިބާގެ ދިރިއުޅުމުގައި ތިބާގެ މުޅި ހަޔާތް ބަރުބާދުކޮށްލާފަދަ ބަނަ ވިލާގަޑެއް ބޯމަތިވެއްޖެނަމަ ކަންތައްކުރާނީ ކިހިނެތްތޯއެވެ؟
އެ ވިލާގަނޑު ތިބާގެ ދިރިއުޅުން ހަލާކުކޮށް ބަރުބާދުކޮށްލުމަށް އިންތިޒާރުކޮށްގެން ހުންނާނީހެއްޔެވެ؟ އަދި އެ ވިލާގަނޑުގެ ނުރައްކާތެރި ތޫފާނުގައި ތިބާ މީހުންނާ އެކަހެރިކުރުވާ މާޔޫސްކުރުވަނިވި މަންޒިލަކަށް ގެންދިއުމަށް ރުހިގެން ހުންނާނީހެއްޔެވެ؟
ނޫންނަމަ ކުރިމަތިވަމުން އަންނަ ނުރައްކާތެރި ތޫފާނާއި ސާބިތުކަމާއެކު ކުރިމަތިލާ އެ ތޫފާނުގެ މެދުގައިހުރެމެ ރައްކާތެރި މަންޒިލެއް ލިބޭތޯ ﷲ سبحانه وتعالى ގެ ހަޟްރަތުން މަދަދަށް އެދޭ ހާލު، ތިބާގެ ބުއްދިއާއި ސިކުނޑީގެ ބޭނުންކޮށްގެން ކުރިއަށްދާނޭ ރަނގަޅުމަގެއް ހޯދުމަށް މަސައްކަތްކުރާނީހެއްޔެވެ؟

އީމާނުގެ އަހުލުވެރިންނަށް އެބައިމީހުން ހީވެސްނުކުރާގޮތްގޮތުން މާތް ﷲ ރިޒުޤު ތަނަވަސްކޮށްދެއްވައެވެ.

ﷲ ސުބުހާނަހޫ ވަތައާލާއަށް ހަމްދު ހުއްޓެވެ. އެކަލާނގެއީ އެކަލާނގެއަށް ހައްޤުގޮތުގައި ކިޔަމަންތެރިކަން އަދާކުރާ އަޅުތަކުންނަށް އޯގާވެރިވެވޮޑިގަންނަވާ އެބައިމީހުންނަށް ކުރިމަތިވާ ކޮންމެ ކަމެއްގައިމެ އެބައިމީހުންނާއެކު ވޮޑިގެންވާ މަތިވެރި އިލާހެވެ.
މާތްﷲ ބަޤަރާ ސޫރަތުގެ 257 ވަނަ އާޔަތުގައި ވަޙީކުރައްވާފައިވާ ބަސްފުޅުގެ މާނައިގައިވެއެވެ.
"ﷲ އީ، އީމާންވިމީހުންނަށް އެހީތެރިވެ، ވާގިވެރިވެ ވޮޑިގެންވާ ރަސްކަލާނގެއެވެ. އެކަލާނގެ، އަނދިރިކަމުގެ ތެރެއިން އަލިކަމަށް އެއުރެން ނެރުއްވައެވެ. އަދި، ކާފިރުވި މީހުންގެ އެކުވެރި ވާޤިވެރިންނަކީ، ޝައިޠާނުންނެވެ. އަލިކަމުގެ ތެރެއިން އަނދިރިކަމަށް، ޝައިޠާނުން އެއުރެން ނެރެތެވެ. އެއުރެންނީ، ނަރަކައިގެ އަހުލުވެރިންނެވެ. އެއުރެން އެ ނަރަކައިގައި އަބަދަށް ދެމިތިބޭހުއްޓެވެ."