އެއްދުވަހަކު މީހަކަށް ހުވަފެނުގައި އޭނާގެ ފަހަތުން ސިންގާއެއް ދުވާތީ ފެނުނެވެ. އަދި އޭނާ ދުވެފައިގޮސް ގަހަކަށްއަރާ އެއިން ސަލާމަތްވުމަށް ގަހުގެ އޮފިގަނޑެއްގެ މަތީގައި އިށީނެވެ. އިރުކޮޅަކަށްފަހު އޭނާ ތިރި ބަލާލިއިރު އަދިވެސް އެއްކަލަ ސިންގާ ދުރަށްނުގޮސް އޭނާގެ އިންތިޒާރުގައި އޮތަތީ ފެނުނެވެ.
ބިރުން ހުރެ އޭނާ ގަހުގެ އޮފިގަނޑު ގަހާއި ގުޅިފައިވާތަނަށް ބަލާލިއިރު އޭނާއަށްފެނުނީ ދެމީދާ އެކަތިފަހާ އަނެކަތި އެ އޮފިގަނޑުގެ ވަށައިގެން ކަމުން ދުވާތީއެވެ. އޭގެ ތެރެއިން އެއް މީދަލަކީ ހުދު މީދަލެކެވެ. އަދި އަނެއް މީދަލަކީ ކަޅު މީދަލެކެވެ. މީދާތަކުގެ މި ޢަމަލުގެ ސަބަބުން އޮފިގަނޑު އިސާހިތަކު ކަނޑައިގެން ވެއްޓިދާނެކަން އޭނާއަށް ޔަޤީންކުރެވުނެވެ.
އޭނާ ބިރުން އަނެއްކާވެސް ތިރިއަށް ބަލާލިއެވެ. އެހިނދު އޭނާއަށްފެނުނީ ބޮޑު ހަރުފައެއްވެސް އައިސް އޮފިގަނޑާދިމާ އޭނާގެ ދަށުގައި އަނގަހުޅުވައިގެން ހަމަޖެހިލާފައި އިންތަނެވެ. އޮފިގަނޑު ބިނދިގެން ވެއްޓިއްޖެނަމަ އޭނާވެއްޓޭނީ ސީދާ އޭގެ އަނގައަށެވެ.
މި ނުރައްކާތެރި ހާލަތުން ސަލާމަތްވުމަށް ހިފަހައްޓާލާނޭ އިތުރު އޮފިގަނޑެއް ހުރިތޯ ބަލާލުމަށް މަތި ބަލާލިއިރު އޭނާއަށް ފެނުނީ މަތީގައިހުރި އޮފިގަނޑުގައި އިން މާމުއި ކުޅަނދުރު ހަތައެކެވެ. އޭގެން ސާފު މާމުއި ތިކި ޖަހަޖަހާ ހުއްޓެވެ. އެހިނދު އޭނާ އޭގެ ރަހަބަލާލުމަށް ޝައުޤުވެރިވެއްޖެއެވެ. އަދި ދޫނެރެ އޭގެން ތިއްކެއް ދުލުގައި ޖައްސާ ރަހަބަލާލިއެވެ. އޭގެ ފޮނިކަމާއި މީރުކަން އޭނާ ހީކުރިވަރަށްވުރެ މާމީރެވެ. އެހެންކަމުން އަނެއްކާވެސް އިތުރަށް ބޯލާހިތްވިއެވެ. އިސާހިތަކު އޭނާއަށް ހަޤީޤަތުގައި ކުރިމަތިވެފައިވާ ބިރުވެރި ހާލަތުގެ މަތިން ހަނދާންނެތިއްޖެއެވެ. އަދި މާމުއިގެ ފޮނިކަމުގައި ޖެހި އެކަމުގެތެރެއަށް ގެއްލިފައިވަނިކޮށް އޭނާއަށް ހޭލެވިއްޖެއެވެ.
އޭނާއަށް ފެނުނު ހުވަފެނުގެ ތަޢުބީރެއް ހޯދުމަށް ޢިލްމުވެރި ބޭކަލެއްގެ ގާތަށް އޭނާ ދިޔައެވެ. އޭނާ މި ހުވަފެނުގެ ތަޢުބީރު އޭނާއަށް ބުނެދިނެވެ.
އަޑު އަހާށެވެ. ތިބާއަށް ފެނުނު ސިންގާއަކީ މަރެވެ. މަރު އަބަދުވެސް ތިބާ ފަހާދުވާނެއެވެ. އަދި ތިބާދާ ކޮންމެ ތާކަށް މަރު ދާނެއެވެ. އެއަކުން ތިބާއަށް ސަލާމަތެއް ނުވެވޭނެއެވެ. އަދި ތިބާއަށް ފެނުނު ދެ މީދަލަކީ ދުވާލާއި ރެޔެވެ. ހުދު މީދަލަކީ ދުވާލެވެ. އަދި ކަޅު މީދަލަކީ ރޭގަނޑެވެ. ދުވާލާއި ރޭގަނޑު އަބަދުވެސް އެކަތިފަހާ އަނެކަތި ދުވާނެތެވެ. އަދި ތިބާގެ އުމުރުގެ ވަގުތުތަށް ކަމުން ހުސްކުރަމުން މަރާއި ގާތަށް ތިމާ ގެންދާނެތެވެ.
އޮފިގަނޑުގެ ދަށުގައި އަނގަހުޅުވައިގެން އޮތް ހަރުފައަކީ ކައްވަޅެވެ. ކައްވަޅު އިންތިޒާރުކުރަމުންދާނީ ތިބާ އެތަނަށް ވެއްޓޭނޭ ވަގުތަކަށެވެ.
މަތީގައިވާ އޮފިގަނޑުން ފެނުނު މާމުއި ކުޅަނދުރު ހަތަޔަކީ މި ދުނިޔެއެވެ. އަދި އޭގައިވާ ފޮނި މީރު މާމުޔަކީ މިދުނިޔޭގެ އަރާމާއި އުފަލެވެ. ދުނިޔަވީ އެދުންވެރިކަމެވެ. ތިބާ އަބަދުވެސް މި ދުނިޔޭގެ ލައްޒަތާއި އަރާމުލިބުމަށް އެދޭނެއެވެ. އަދި އެއްފަހަރުނަމަވެސް އޭގެ ހަޤީޤަތް ބަލާލުމަށް އެދުންވެރިވާނެއެވެ. ތިމާ އެކަން އެއްފަހަރުނަމަވެސް ކޮށްފިނަމަ އިތުރަށް އެކަމަށް ޝައުޤުވެރިވެ އެކަން ތަކުރާރުކުރަން ފަށާނެއެވެ. އަދި މަޑުމަޑުން އެހެނިހެން ކަންތައްތަކުގެމަތިން ތިބާ ހަނދުމަނެތިކޮށްލާނެއެވެ. އޭރުން ތިބާއަށް މަރުމަތިން ހަނދާނެއް ނުވާނެއެވެ. ދުނިޔޭގެ ދުވަސްތަކަކީ މަދު ވަގުތުކޮޅެއްކަން ހަނދާނެއް ނުވާނެއެވެ. އަދި ކަށްވަޅުގެމަތިންވެސް ހަނދާނެއް ނުވާނެއެވެ.
މިދުނިޔެއަކީ ވަގުތީ މާއްދީ އެއްޗެކެވެ. އަބަދައް ދެމިގެންވާ ގޮވަށްޗަކީ އާޚިރަތެވެ. ދުނިޔޭގެ ލައްޒަތާއި އުފަލުގައި ތިބާޖެހިއްޖެނަމަ އެ އުފަލެއް ނުލިބޭނެއެވެ.
ދުނިޔަވީ އުފާތަކާއި މަޖަލުގެ ތެރޭގައި އަޅުގަނޑުމެން ގެއްލި ﷲ މަތިން ހަނދާންކުރުން ދޫކޮށްލައިގެން ނުވާނެއެވެ. ދުނިޔަވީ ކަންކަމުގައި ތިމާ މަޝްޢޫލުވާންވާނީ އޭގެ ސަބަބުން ތިމާ މާތް ﷲ ގެ މަތިން ހަނދުމަކުރުމާއި ދުރުނުކުރާ މިންވަރަށެވެ. އަދި ﷲ އަށްޓަކާ ތިބާ އަދާކުރަންޖެހޭ އެންމެހާ ކަންކަން ތިބާ ފުރިހަމަ ކުރަންޖެހޭނެއެވެ. އެކަލާނގެ ދެއްވި ނިޢުމަތްތަކަށް ޝުކުރުވެރިވެ އެކަލާނގެ އަމުރުފުޅުތަކަށް ފުރިހަމައަށް ބޯލަނބަންޖެހޭނެއެވެ. އާކިރަތުގެ މަތިން
ހަނދާންނައްތާލާ ދުނިޔޭގެ އެދުންވެރިކަމުގައި ތިބާގެ އުމުރު ހުސްކޮށްލައި ބަރުބާދުކޮށްގެން ނުވާނެއެވެ.
ކީރިތި ރަސޫލާ صلى الله عليه وسلم ހަދީސް ކުރައްވާފައިވާ ބަސްފުޅެއްގެ މާނައިގައިވެއެވެ. "ތިޔަބައިމީހުންގެ ތެރެއިން އެންމެ ބުއްދިވެރިމީހަކީ ތިޔަބައިމީހުންގެ ތެރެއިން އެންމެ ގިނައިން މަރު ހަނދުމަކުރާ މީހެކެވެ."
އަދިވެސް އެކަލޭގެފާނު ހަދީސްކުރައްވާފައިވާ ބަސްފުޅެއްގެ މާނައިގައިވެއެވެ. "މާތްﷲ ގެ ލޯތްބާއި ރުހިވޮޑިގަތުން ލިބިފައިވާ މީހާ އަބަދުވެސް އޭނާގެ ނިމުން (މަރު) މަތިން ހަނދުމަކޮށް އެކަމަށް ތައްޔާރުވާނެތެވެ. ނަމަވެސް ޝައިޠާނާއަކީ އޭނާގެ އެކުވެރިއެއްކަމުގައި ބަލައި ދުނިޔޭގެ ޒީނަތައް ހެއްލިއްޖެމީހަކަށް ދުނިޔަވީ އުފާތައް އޭނާއަށްޓަކައި ޝައިޠާނާ ޒީނަތްތެރިކޮށް ދައްކާ އެކަމުގެތެރޭގައި އޭނާ ޣަރަޤުވެގެން ދާހުއްޓެވެ. އަދި އޭގެ ސަބަބުން އޭނާ މަރުމަތިން ހަނދުމަކުރުމުން ދުރުކުރުވާހުއްޓެވެ.
ބިރުން ހުރެ އޭނާ ގަހުގެ އޮފިގަނޑު ގަހާއި ގުޅިފައިވާތަނަށް ބަލާލިއިރު އޭނާއަށްފެނުނީ ދެމީދާ އެކަތިފަހާ އަނެކަތި އެ އޮފިގަނޑުގެ ވަށައިގެން ކަމުން ދުވާތީއެވެ. އޭގެ ތެރެއިން އެއް މީދަލަކީ ހުދު މީދަލެކެވެ. އަދި އަނެއް މީދަލަކީ ކަޅު މީދަލެކެވެ. މީދާތަކުގެ މި ޢަމަލުގެ ސަބަބުން އޮފިގަނޑު އިސާހިތަކު ކަނޑައިގެން ވެއްޓިދާނެކަން އޭނާއަށް ޔަޤީންކުރެވުނެވެ.
އޭނާ ބިރުން އަނެއްކާވެސް ތިރިއަށް ބަލާލިއެވެ. އެހިނދު އޭނާއަށްފެނުނީ ބޮޑު ހަރުފައެއްވެސް އައިސް އޮފިގަނޑާދިމާ އޭނާގެ ދަށުގައި އަނގަހުޅުވައިގެން ހަމަޖެހިލާފައި އިންތަނެވެ. އޮފިގަނޑު ބިނދިގެން ވެއްޓިއްޖެނަމަ އޭނާވެއްޓޭނީ ސީދާ އޭގެ އަނގައަށެވެ.
މި ނުރައްކާތެރި ހާލަތުން ސަލާމަތްވުމަށް ހިފަހައްޓާލާނޭ އިތުރު އޮފިގަނޑެއް ހުރިތޯ ބަލާލުމަށް މަތި ބަލާލިއިރު އޭނާއަށް ފެނުނީ މަތީގައިހުރި އޮފިގަނޑުގައި އިން މާމުއި ކުޅަނދުރު ހަތައެކެވެ. އޭގެން ސާފު މާމުއި ތިކި ޖަހަޖަހާ ހުއްޓެވެ. އެހިނދު އޭނާ އޭގެ ރަހަބަލާލުމަށް ޝައުޤުވެރިވެއްޖެއެވެ. އަދި ދޫނެރެ އޭގެން ތިއްކެއް ދުލުގައި ޖައްސާ ރަހަބަލާލިއެވެ. އޭގެ ފޮނިކަމާއި މީރުކަން އޭނާ ހީކުރިވަރަށްވުރެ މާމީރެވެ. އެހެންކަމުން އަނެއްކާވެސް އިތުރަށް ބޯލާހިތްވިއެވެ. އިސާހިތަކު އޭނާއަށް ހަޤީޤަތުގައި ކުރިމަތިވެފައިވާ ބިރުވެރި ހާލަތުގެ މަތިން ހަނދާންނެތިއްޖެއެވެ. އަދި މާމުއިގެ ފޮނިކަމުގައި ޖެހި އެކަމުގެތެރެއަށް ގެއްލިފައިވަނިކޮށް އޭނާއަށް ހޭލެވިއްޖެއެވެ.
އޭނާއަށް ފެނުނު ހުވަފެނުގެ ތަޢުބީރެއް ހޯދުމަށް ޢިލްމުވެރި ބޭކަލެއްގެ ގާތަށް އޭނާ ދިޔައެވެ. އޭނާ މި ހުވަފެނުގެ ތަޢުބީރު އޭނާއަށް ބުނެދިނެވެ.
އަޑު އަހާށެވެ. ތިބާއަށް ފެނުނު ސިންގާއަކީ މަރެވެ. މަރު އަބަދުވެސް ތިބާ ފަހާދުވާނެއެވެ. އަދި ތިބާދާ ކޮންމެ ތާކަށް މަރު ދާނެއެވެ. އެއަކުން ތިބާއަށް ސަލާމަތެއް ނުވެވޭނެއެވެ. އަދި ތިބާއަށް ފެނުނު ދެ މީދަލަކީ ދުވާލާއި ރެޔެވެ. ހުދު މީދަލަކީ ދުވާލެވެ. އަދި ކަޅު މީދަލަކީ ރޭގަނޑެވެ. ދުވާލާއި ރޭގަނޑު އަބަދުވެސް އެކަތިފަހާ އަނެކަތި ދުވާނެތެވެ. އަދި ތިބާގެ އުމުރުގެ ވަގުތުތަށް ކަމުން ހުސްކުރަމުން މަރާއި ގާތަށް ތިމާ ގެންދާނެތެވެ.
އޮފިގަނޑުގެ ދަށުގައި އަނގަހުޅުވައިގެން އޮތް ހަރުފައަކީ ކައްވަޅެވެ. ކައްވަޅު އިންތިޒާރުކުރަމުންދާނީ ތިބާ އެތަނަށް ވެއްޓޭނޭ ވަގުތަކަށެވެ.
މަތީގައިވާ އޮފިގަނޑުން ފެނުނު މާމުއި ކުޅަނދުރު ހަތަޔަކީ މި ދުނިޔެއެވެ. އަދި އޭގައިވާ ފޮނި މީރު މާމުޔަކީ މިދުނިޔޭގެ އަރާމާއި އުފަލެވެ. ދުނިޔަވީ އެދުންވެރިކަމެވެ. ތިބާ އަބަދުވެސް މި ދުނިޔޭގެ ލައްޒަތާއި އަރާމުލިބުމަށް އެދޭނެއެވެ. އަދި އެއްފަހަރުނަމަވެސް އޭގެ ހަޤީޤަތް ބަލާލުމަށް އެދުންވެރިވާނެއެވެ. ތިމާ އެކަން އެއްފަހަރުނަމަވެސް ކޮށްފިނަމަ އިތުރަށް އެކަމަށް ޝައުޤުވެރިވެ އެކަން ތަކުރާރުކުރަން ފަށާނެއެވެ. އަދި މަޑުމަޑުން އެހެނިހެން ކަންތައްތަކުގެމަތިން ތިބާ ހަނދުމަނެތިކޮށްލާނެއެވެ. އޭރުން ތިބާއަށް މަރުމަތިން ހަނދާނެއް ނުވާނެއެވެ. ދުނިޔޭގެ ދުވަސްތަކަކީ މަދު ވަގުތުކޮޅެއްކަން ހަނދާނެއް ނުވާނެއެވެ. އަދި ކަށްވަޅުގެމަތިންވެސް ހަނދާނެއް ނުވާނެއެވެ.
މިދުނިޔެއަކީ ވަގުތީ މާއްދީ އެއްޗެކެވެ. އަބަދައް ދެމިގެންވާ ގޮވަށްޗަކީ އާޚިރަތެވެ. ދުނިޔޭގެ ލައްޒަތާއި އުފަލުގައި ތިބާޖެހިއްޖެނަމަ އެ އުފަލެއް ނުލިބޭނެއެވެ.
ދުނިޔަވީ އުފާތަކާއި މަޖަލުގެ ތެރޭގައި އަޅުގަނޑުމެން ގެއްލި ﷲ މަތިން ހަނދާންކުރުން ދޫކޮށްލައިގެން ނުވާނެއެވެ. ދުނިޔަވީ ކަންކަމުގައި ތިމާ މަޝްޢޫލުވާންވާނީ އޭގެ ސަބަބުން ތިމާ މާތް ﷲ ގެ މަތިން ހަނދުމަކުރުމާއި ދުރުނުކުރާ މިންވަރަށެވެ. އަދި ﷲ އަށްޓަކާ ތިބާ އަދާކުރަންޖެހޭ އެންމެހާ ކަންކަން ތިބާ ފުރިހަމަ ކުރަންޖެހޭނެއެވެ. އެކަލާނގެ ދެއްވި ނިޢުމަތްތަކަށް ޝުކުރުވެރިވެ އެކަލާނގެ އަމުރުފުޅުތަކަށް ފުރިހަމައަށް ބޯލަނބަންޖެހޭނެއެވެ. އާކިރަތުގެ މަތިން
ހަނދާންނައްތާލާ ދުނިޔޭގެ އެދުންވެރިކަމުގައި ތިބާގެ އުމުރު ހުސްކޮށްލައި ބަރުބާދުކޮށްގެން ނުވާނެއެވެ.
ކީރިތި ރަސޫލާ صلى الله عليه وسلم ހަދީސް ކުރައްވާފައިވާ ބަސްފުޅެއްގެ މާނައިގައިވެއެވެ. "ތިޔަބައިމީހުންގެ ތެރެއިން އެންމެ ބުއްދިވެރިމީހަކީ ތިޔަބައިމީހުންގެ ތެރެއިން އެންމެ ގިނައިން މަރު ހަނދުމަކުރާ މީހެކެވެ."
އަދިވެސް އެކަލޭގެފާނު ހަދީސްކުރައްވާފައިވާ ބަސްފުޅެއްގެ މާނައިގައިވެއެވެ. "މާތްﷲ ގެ ލޯތްބާއި ރުހިވޮޑިގަތުން ލިބިފައިވާ މީހާ އަބަދުވެސް އޭނާގެ ނިމުން (މަރު) މަތިން ހަނދުމަކޮށް އެކަމަށް ތައްޔާރުވާނެތެވެ. ނަމަވެސް ޝައިޠާނާއަކީ އޭނާގެ އެކުވެރިއެއްކަމުގައި ބަލައި ދުނިޔޭގެ ޒީނަތައް ހެއްލިއްޖެމީހަކަށް ދުނިޔަވީ އުފާތައް އޭނާއަށްޓަކައި ޝައިޠާނާ ޒީނަތްތެރިކޮށް ދައްކާ އެކަމުގެތެރޭގައި އޭނާ ޣަރަޤުވެގެން ދާހުއްޓެވެ. އަދި އޭގެ ސަބަބުން އޭނާ މަރުމަތިން ހަނދުމަކުރުމުން ދުރުކުރުވާހުއްޓެވެ.
No comments:
Post a Comment