الحمد لله رب العالمين، والصلاة والسلام على نبينا محمد وعلى آله وأصحابه أجمعين، وبعد :
ދުވަސްތަކާއި، މަސްތަކާއި، އަހަރުތައް ފާއިތުވަމުން ތިބާގެ ހަޔާތުން ވަކިވަމުން ދެއެވެ. އެހެންނަމަވެސް ގިނަ އިންސާނުންވެފައިވަނީ އެކަމާއިމެދު ނުވިސްނާ ފަރުވާލެއްނެތް ބައެއްކަމުގައެވެ. ހަމަކަށަވަރުން މާތް ﷲ އެފަދަ މީހުންނާއިމެދު އެބައިމީހުން ހަނދާންނައްތާލާ ފަރުވާކުޑަކުރި ދުވަސްތަކާއިމެދު އެބައިމީހުންނާއި ސުވާލުކުރައްވާނެތެވެ. އެބައިމީހުން ދީނާއިމެދު ފަރުވާކުޑަކޮށް ދުނިޔަވީ ކަންކަމުގައި ވަގުތުތައް ބޭކާރުކުރުމުގެ ނަތީޖާއެއްގެގޮތުން މަދު ވަގުތުކޮޅަކުންވެސް ހޯދިދާނޭ އެތައް ހެޔޮކަމަކުން އެބައިމީހުންވަނީ މަހްރޫމްވެފައެވެ. މިފަދަ ހެޔޮކަންތައްތަކަކީ މަތިވެރިވެގެންވާ ދަރުމަ ލިބިގެންވާ ހެޔޮކަންތައްތަކެކެވެ. އެގޮތުން އެކަމުން ލިބިގެންދާ ހެޔޮދަރުމަޔާއި ސަވާބަކީ އެކަމަށް ތިމާ ހޭދަކުރާ ވަގުތާއި އަޅާކިޔޭ މިންވަރަށްވުރެ އެ އަމަލުތަކެއްގެ އަޖުރު އެތައްގުނައަކަށް އިތުރުވެގެންދާނޭ ހެޔޮކަންތައްތަކެކެވެ.
އޭ އަޚުންނޭވެ، ތިރީގައި މި ބަޔާންކޮށްދެނީ ހުކުރުދުވަހުގެ ހުކުރުނަމާދަށް ދިއުމުގައި ތިމާ އަމަލުކުރާ ކަންތައްތަކެއްގެ ސަބަބުން އެތައް ގުނައެއްގެ ސަވާބާއި ހެޔޮކަން ތިބާގެ ޢަމަލުތަކުގެ ތެރެއަށް ގުނަވެގެންދާނޭ ޢަމަލުތަކެއްގެ ވާހަކައެވެ. އަޅުގަނޑުމެންގެ ތެރެއިން ގިނަ މީހުންނަކީ ހުކުރުދުވަހު ހުކުރުނަމާދަށް ދިއުމުގެކުރިން ފެންވަރާ ތާހިރުވުމަކީ ކުރަންޖެހޭކަމެއްކަމުގައި ޤަބޫލުކުރާ މީހުންނެވެ. ނަމަވެސް އެބައިމީހުންނަށް އެކަން ފުރިހަމަގޮތުގައި ކުރުމުގެ ސަބަބުން އާޚިރަތުގައި ތިމާއަށް އެތައް ދަރުމައަކާއި ސަވާބެއް ލިބިގެންދާނޭކަމެއް ނޭންގެއެވެ.
ރަސޫލުﷲ صلى الله عليه وسلم ހަދީޘް ކުރެއްވި ބަސްފުޅެއްގެ މާނައިގައިވެއެވެ.
"ހުކުރު ދުވަހުގެ ހުކުރުވަގުތުގެ ކުރިން ފެންވަރާ ތާހިރުވެ ހުކުރުނަމާދުގެ ވީހާވެސް ކުރީވަގުތެއްގައި އެއްވެސް ސަވާރީއަކަށް ނާރާ ފައިމަގުގައި ހިނގާފައި މިސްކިތައް ހާޟިރުވެ، އިމާމާއި ވީހާވެސް ގާތުގައި އިށީންދެ، ދުނިޔަވީ އެހެންއިތުރުކަމަކާއި މަސްއޫލުނުވެ، ހުކުރު ޚުތުބާ ފެށުނީންސުރެ ކަނުލާ އަޑުއަހާ ހުކުރު ނަމާދު ފުރިހަމަކޮށްފިނަމަ އޭނާ މިސްކިތައް އައުމަށް އެޅި ކޮންމެ ފިޔަވަޅަކަށް އެއްއަހަރުދުވަހުގެ ރޯދައާއި ރޭ އަޅުކަމުގެ ސަވާބު މާތް ﷲ އޭނާއަށް ލިއުއްވާހުއްޓެވެ." ((އަޙަމަދު) – ޝޭއިޚް އަލްބާނީ ވަނީ މިހަދީޘް ސައްޙަކުރައްވާފައި)
ނަމަވެސް މިއަދު އަޅުގަނޑުމެންގެ ތެރެއިން މަދު މީހަކު މެނުވީ މިކަން އެނގި އެގޮތުގައި ޢަމަލުކޮށް އެންމެ ރޭގަނޑެއްގައިވެސް ރޭ އަޅުކަންނުކުރާ ހާލު އަދި ރަމަޟާން މަހުގެ ފަރުޟު ރޯދަތައް ފިަޔަވައި އިތުރު ދުވަހެއްގައި ރޯދައެއް ނުހިފާހާލު މި ދަރުމަޔާއި ސަވާބު ލިބިގަތުމަށްވެސް މަސައްކަތެއް ނުކުރެއެވެ. ކޮންމެ ފިޔަވަޅަކުން އެއް އަހަރުދުވަހުގެ ރޯދައާއި އެއް އަހަރުދުވަހުގެ ރޭއަޅުކަމުގެ ސަވާބު ލިޔެވިގެން ދާއިރު އޭނާ ދިހަ ފިޔަވަޅު އަޅައިފިނަމަ މި ކުޑަކުޑަ ޢަމަލުގެ ސަބަބުން އޭނާއަށް ލިބިގެންދާ ގިނަގުނަ ސަވާބާއި ދަރުމަ ތަޞައްވަރުކޮށްލައްވާށެވެ.
އޭ އަޚުންނޭވެ، ތިމާގެ ގެއާއި މިސްކިތާ ދެމެދުގެ ދުރުމިނަކީ އެއްހާސް ފިޔަވަޅުކަމުގައި ވާނަމަ އެ ހަދީސްފުޅުގައިވާ ފަދައިން ތިމާ ޢަމަލުކޮށްފިނަމަ އޭގެސަބަބުން ތިމާއަށް ލިބިގެންދާނޭ ދަރުމަޔާއި ސަވާބު ތަޞައްވުރުކޮށްލައްވާށެވެ! އޭގެ ސަބަބުން ތިބާއަށް އެއްހާސްއަހަރުގެ ރޯދައާއި ރޭ އަޅުކަމުގެ ސަވާބު ފާފައެއް ކުށެއްނުވާ ޙާލު (إن شاء الله) ލިޔެވިގެންދާނެއެވެ. މިއީ އެންމެ ހުކުރެއްގެ ދަރުމަކަމުގައި ވެފައި އެއްމަސްދުވަހު ތިބާ އެގޮތުގައި ޢަމަލުކޮށްފިނަމަ އޭގެ ސަވާބާއިދަރުމަ 4000 އަހަރަށް އިތުރުވެގެންދާނެއެވެ. އަދި މި ޢަމަލު މުޅި އަހަރުގައި ކޮށްފިނަމަ އޭގެ ހެވާއި ދަރުމަ 48000 އަހަރުގެ ސަވާބާއި ދަރުމައަށް އިތުރުވެގެން ދާނެއެވެ. އަދި އަޅުގަނޑުމެންގެ އުމުރު މާތްﷲ ހެޔޮ ރަޙްމަތާއިއެކު 40 އަހަރަށް ދެމިގެންގޮސް އިސްވެދެންނެވުނު ހެޔޮ ޢަމަލު ތަކުރާރުކުރާނަމަ 1920000 އަހަރުދުވަހުގެ ރޯދައާއި ރޭއަޅުކަމުގެ ސަވާބު އެމީހެއްގެ މައްޗަށް ލިޔެވިގެންދާނެއެވެ. ވީއިރު ތިބާގެ ގެއާއި މިސްކިތުގެ ދުރުމިން 1000 ފިޔަވަޅައްވުރެ އިތުރުނަމަ އަދި ތިބާގެ އުމުރު 40 އަހަރަށްވުރެ އިތުރުކޮށްދެއްވައިފިނަމަ ތިބާއަށް މި ކުޑަކުޑަ ޢަމަލުން ލިބިގެންދާނޭ ސަވާބާއި ހެޔޮ ދަރުމަ ތަޞައްވުރުކޮށްލައްވާށެވެ! އެއީ ހަމަ ޔަޤީނުންވެސް ޤިޔާމަތްދުވަހު ތިބާގެ ތިލަފަތް ހެޔޮކަމުގެ ފަރާތައް ބަރުކުރާނޭ އެތައް އެތައްގުނަ ހެޔޮކަމެއް ތިބާއަށް ލިބިގެންދާނޭ ޢަމަލެއްކަމުގައި ވެގެންދާނެއެވެ.
އޭ އަޚުންނޭވެ، ހުކުރު ނަމާދަށް ފަރުވާތެރިނުވެ އަދި ވަގުތައް ސަމާލުކަންނުދީ ޚުތުބާ އަޑުއެހުމުގައި ފަރުވާތެރިނުވާ މީހާއާއި މެދު ތިބާ ފިކުރުކޮށްލައްވާށެވެ. އެފަދަ މީހުންގެ އެ ޢަމަލުގެ ސަބަބުން ފަރުޟު ފުރިހަމަގޮތުގައި އަދާނުކުރެވި އެކަމުގެ އަޒާބު ލިބިގަންނަނީއެވެ. އެހެނީ އެބައިމީހުން ވާކަންކަށަވަރީ ޖާހިލުކަމުގެ ސަބަބުން އެބައެއްގެ ހިތްތައް ބަންދުވެފައިވާ މީހުންކަމުގައެވެ. އަދި އެއީ ފަރުވާކުޑަކަމާއިއެކު ދީނުގެ ކަންތައްތަކުގައި އިޙްމާލުވި މީހުންނެވެ.
ރަސޫލުﷲ صلى الله عليه وسلم ހަދީޘްކުރައްވާފައިވާ ބަސްފުޅެއްގެ މާނައިގައިވެއެވެ.
"ޤަޞްތުގައި ޖެހިޖެހިގެން ތިން ހުކުރު އަޅައިފި މީހެއްގެ ހިތައް އީމާންކަންވަންނާނޭ ތަނެއްނެތި މާތްﷲ ބަންދުކުރައްވާނެތެވެ." (އަޙްމަދު)
މަޤްބޫލް ޝަރުއީ އުޒުރެއްގެ ސަބަބުން ހުކުރުނަމާދަށް ނުދެވޭ މީހާވެސް މި ހެޔޮކަމުގެ ޚަބަރު އަނެކާއަށް ފޯރުކޮށްދިނުން ހުއްޓެވެ. އެހެނީ ހެޔޮކަމަކަށް މީހަކަށް މަގުދައްކައިފި މީހަކަށް އަނެކާ އެ ހެޔަކަން އަދާ ކުރުމުން ލިބޭ ސަވާބު އެމީހަކަށް އެއްވެސް އުނިވުމެއްނެެތި ލިބިގެންދާނެއެވެ. ރަސޫލުﷲ صلى الله عليه وسلم ހަދީޘްކުރައްވާފައިވެއެވެ.
"މީހަކަށް ހެޔޮކަމަކަށް މަގުދައްކައިފި މީހަކަށް އެހެޔޮކަން ކުރި މީހަކަށް ހުރި ސަވާބު ހުއްޓެވެ." (މުސްލިމް)
އަސްލު ލިޔުއްވީ: ޝެއިޚް ސުލައިމާން ބިން އަބްދުލްކަރީމް އަލް މުފައްރިޖް
ދުވަސްތަކާއި، މަސްތަކާއި، އަހަރުތައް ފާއިތުވަމުން ތިބާގެ ހަޔާތުން ވަކިވަމުން ދެއެވެ. އެހެންނަމަވެސް ގިނަ އިންސާނުންވެފައިވަނީ އެކަމާއިމެދު ނުވިސްނާ ފަރުވާލެއްނެތް ބައެއްކަމުގައެވެ. ހަމަކަށަވަރުން މާތް ﷲ އެފަދަ މީހުންނާއިމެދު އެބައިމީހުން ހަނދާންނައްތާލާ ފަރުވާކުޑަކުރި ދުވަސްތަކާއިމެދު އެބައިމީހުންނާއި ސުވާލުކުރައްވާނެތެވެ. އެބައިމީހުން ދީނާއިމެދު ފަރުވާކުޑަކޮށް ދުނިޔަވީ ކަންކަމުގައި ވަގުތުތައް ބޭކާރުކުރުމުގެ ނަތީޖާއެއްގެގޮތުން މަދު ވަގުތުކޮޅަކުންވެސް ހޯދިދާނޭ އެތައް ހެޔޮކަމަކުން އެބައިމީހުންވަނީ މަހްރޫމްވެފައެވެ. މިފަދަ ހެޔޮކަންތައްތަކަކީ މަތިވެރިވެގެންވާ ދަރުމަ ލިބިގެންވާ ހެޔޮކަންތައްތަކެކެވެ. އެގޮތުން އެކަމުން ލިބިގެންދާ ހެޔޮދަރުމަޔާއި ސަވާބަކީ އެކަމަށް ތިމާ ހޭދަކުރާ ވަގުތާއި އަޅާކިޔޭ މިންވަރަށްވުރެ އެ އަމަލުތަކެއްގެ އަޖުރު އެތައްގުނައަކަށް އިތުރުވެގެންދާނޭ ހެޔޮކަންތައްތަކެކެވެ.
އޭ އަޚުންނޭވެ، ތިރީގައި މި ބަޔާންކޮށްދެނީ ހުކުރުދުވަހުގެ ހުކުރުނަމާދަށް ދިއުމުގައި ތިމާ އަމަލުކުރާ ކަންތައްތަކެއްގެ ސަބަބުން އެތައް ގުނައެއްގެ ސަވާބާއި ހެޔޮކަން ތިބާގެ ޢަމަލުތަކުގެ ތެރެއަށް ގުނަވެގެންދާނޭ ޢަމަލުތަކެއްގެ ވާހަކައެވެ. އަޅުގަނޑުމެންގެ ތެރެއިން ގިނަ މީހުންނަކީ ހުކުރުދުވަހު ހުކުރުނަމާދަށް ދިއުމުގެކުރިން ފެންވަރާ ތާހިރުވުމަކީ ކުރަންޖެހޭކަމެއްކަމުގައި ޤަބޫލުކުރާ މީހުންނެވެ. ނަމަވެސް އެބައިމީހުންނަށް އެކަން ފުރިހަމަގޮތުގައި ކުރުމުގެ ސަބަބުން އާޚިރަތުގައި ތިމާއަށް އެތައް ދަރުމައަކާއި ސަވާބެއް ލިބިގެންދާނޭކަމެއް ނޭންގެއެވެ.
ރަސޫލުﷲ صلى الله عليه وسلم ހަދީޘް ކުރެއްވި ބަސްފުޅެއްގެ މާނައިގައިވެއެވެ.
"ހުކުރު ދުވަހުގެ ހުކުރުވަގުތުގެ ކުރިން ފެންވަރާ ތާހިރުވެ ހުކުރުނަމާދުގެ ވީހާވެސް ކުރީވަގުތެއްގައި އެއްވެސް ސަވާރީއަކަށް ނާރާ ފައިމަގުގައި ހިނގާފައި މިސްކިތައް ހާޟިރުވެ، އިމާމާއި ވީހާވެސް ގާތުގައި އިށީންދެ، ދުނިޔަވީ އެހެންއިތުރުކަމަކާއި މަސްއޫލުނުވެ، ހުކުރު ޚުތުބާ ފެށުނީންސުރެ ކަނުލާ އަޑުއަހާ ހުކުރު ނަމާދު ފުރިހަމަކޮށްފިނަމަ އޭނާ މިސްކިތައް އައުމަށް އެޅި ކޮންމެ ފިޔަވަޅަކަށް އެއްއަހަރުދުވަހުގެ ރޯދައާއި ރޭ އަޅުކަމުގެ ސަވާބު މާތް ﷲ އޭނާއަށް ލިއުއްވާހުއްޓެވެ." ((އަޙަމަދު) – ޝޭއިޚް އަލްބާނީ ވަނީ މިހަދީޘް ސައްޙަކުރައްވާފައި)
ނަމަވެސް މިއަދު އަޅުގަނޑުމެންގެ ތެރެއިން މަދު މީހަކު މެނުވީ މިކަން އެނގި އެގޮތުގައި ޢަމަލުކޮށް އެންމެ ރޭގަނޑެއްގައިވެސް ރޭ އަޅުކަންނުކުރާ ހާލު އަދި ރަމަޟާން މަހުގެ ފަރުޟު ރޯދަތައް ފިަޔަވައި އިތުރު ދުވަހެއްގައި ރޯދައެއް ނުހިފާހާލު މި ދަރުމަޔާއި ސަވާބު ލިބިގަތުމަށްވެސް މަސައްކަތެއް ނުކުރެއެވެ. ކޮންމެ ފިޔަވަޅަކުން އެއް އަހަރުދުވަހުގެ ރޯދައާއި އެއް އަހަރުދުވަހުގެ ރޭއަޅުކަމުގެ ސަވާބު ލިޔެވިގެން ދާއިރު އޭނާ ދިހަ ފިޔަވަޅު އަޅައިފިނަމަ މި ކުޑަކުޑަ ޢަމަލުގެ ސަބަބުން އޭނާއަށް ލިބިގެންދާ ގިނަގުނަ ސަވާބާއި ދަރުމަ ތަޞައްވަރުކޮށްލައްވާށެވެ.
އޭ އަޚުންނޭވެ، ތިމާގެ ގެއާއި މިސްކިތާ ދެމެދުގެ ދުރުމިނަކީ އެއްހާސް ފިޔަވަޅުކަމުގައި ވާނަމަ އެ ހަދީސްފުޅުގައިވާ ފަދައިން ތިމާ ޢަމަލުކޮށްފިނަމަ އޭގެސަބަބުން ތިމާއަށް ލިބިގެންދާނޭ ދަރުމަޔާއި ސަވާބު ތަޞައްވުރުކޮށްލައްވާށެވެ! އޭގެ ސަބަބުން ތިބާއަށް އެއްހާސްއަހަރުގެ ރޯދައާއި ރޭ އަޅުކަމުގެ ސަވާބު ފާފައެއް ކުށެއްނުވާ ޙާލު (إن شاء الله) ލިޔެވިގެންދާނެއެވެ. މިއީ އެންމެ ހުކުރެއްގެ ދަރުމަކަމުގައި ވެފައި އެއްމަސްދުވަހު ތިބާ އެގޮތުގައި ޢަމަލުކޮށްފިނަމަ އޭގެ ސަވާބާއިދަރުމަ 4000 އަހަރަށް އިތުރުވެގެންދާނެއެވެ. އަދި މި ޢަމަލު މުޅި އަހަރުގައި ކޮށްފިނަމަ އޭގެ ހެވާއި ދަރުމަ 48000 އަހަރުގެ ސަވާބާއި ދަރުމައަށް އިތުރުވެގެން ދާނެއެވެ. އަދި އަޅުގަނޑުމެންގެ އުމުރު މާތްﷲ ހެޔޮ ރަޙްމަތާއިއެކު 40 އަހަރަށް ދެމިގެންގޮސް އިސްވެދެންނެވުނު ހެޔޮ ޢަމަލު ތަކުރާރުކުރާނަމަ 1920000 އަހަރުދުވަހުގެ ރޯދައާއި ރޭއަޅުކަމުގެ ސަވާބު އެމީހެއްގެ މައްޗަށް ލިޔެވިގެންދާނެއެވެ. ވީއިރު ތިބާގެ ގެއާއި މިސްކިތުގެ ދުރުމިން 1000 ފިޔަވަޅައްވުރެ އިތުރުނަމަ އަދި ތިބާގެ އުމުރު 40 އަހަރަށްވުރެ އިތުރުކޮށްދެއްވައިފިނަމަ ތިބާއަށް މި ކުޑަކުޑަ ޢަމަލުން ލިބިގެންދާނޭ ސަވާބާއި ހެޔޮ ދަރުމަ ތަޞައްވުރުކޮށްލައްވާށެވެ! އެއީ ހަމަ ޔަޤީނުންވެސް ޤިޔާމަތްދުވަހު ތިބާގެ ތިލަފަތް ހެޔޮކަމުގެ ފަރާތައް ބަރުކުރާނޭ އެތައް އެތައްގުނަ ހެޔޮކަމެއް ތިބާއަށް ލިބިގެންދާނޭ ޢަމަލެއްކަމުގައި ވެގެންދާނެއެވެ.
އޭ އަޚުންނޭވެ، ހުކުރު ނަމާދަށް ފަރުވާތެރިނުވެ އަދި ވަގުތައް ސަމާލުކަންނުދީ ޚުތުބާ އަޑުއެހުމުގައި ފަރުވާތެރިނުވާ މީހާއާއި މެދު ތިބާ ފިކުރުކޮށްލައްވާށެވެ. އެފަދަ މީހުންގެ އެ ޢަމަލުގެ ސަބަބުން ފަރުޟު ފުރިހަމަގޮތުގައި އަދާނުކުރެވި އެކަމުގެ އަޒާބު ލިބިގަންނަނީއެވެ. އެހެނީ އެބައިމީހުން ވާކަންކަށަވަރީ ޖާހިލުކަމުގެ ސަބަބުން އެބައެއްގެ ހިތްތައް ބަންދުވެފައިވާ މީހުންކަމުގައެވެ. އަދި އެއީ ފަރުވާކުޑަކަމާއިއެކު ދީނުގެ ކަންތައްތަކުގައި އިޙްމާލުވި މީހުންނެވެ.
ރަސޫލުﷲ صلى الله عليه وسلم ހަދީޘްކުރައްވާފައިވާ ބަސްފުޅެއްގެ މާނައިގައިވެއެވެ.
"ޤަޞްތުގައި ޖެހިޖެހިގެން ތިން ހުކުރު އަޅައިފި މީހެއްގެ ހިތައް އީމާންކަންވަންނާނޭ ތަނެއްނެތި މާތްﷲ ބަންދުކުރައްވާނެތެވެ." (އަޙްމަދު)
މަޤްބޫލް ޝަރުއީ އުޒުރެއްގެ ސަބަބުން ހުކުރުނަމާދަށް ނުދެވޭ މީހާވެސް މި ހެޔޮކަމުގެ ޚަބަރު އަނެކާއަށް ފޯރުކޮށްދިނުން ހުއްޓެވެ. އެހެނީ ހެޔޮކަމަކަށް މީހަކަށް މަގުދައްކައިފި މީހަކަށް އަނެކާ އެ ހެޔަކަން އަދާ ކުރުމުން ލިބޭ ސަވާބު އެމީހަކަށް އެއްވެސް އުނިވުމެއްނެެތި ލިބިގެންދާނެއެވެ. ރަސޫލުﷲ صلى الله عليه وسلم ހަދީޘްކުރައްވާފައިވެއެވެ.
"މީހަކަށް ހެޔޮކަމަކަށް މަގުދައްކައިފި މީހަކަށް އެހެޔޮކަން ކުރި މީހަކަށް ހުރި ސަވާބު ހުއްޓެވެ." (މުސްލިމް)
އަސްލު ލިޔުއްވީ: ޝެއިޚް ސުލައިމާން ބިން އަބްދުލްކަރީމް އަލް މުފައްރިޖް
No comments:
Post a Comment