ތަޢާރުފް: ކުރީގެ އުންމަތްތައް
އެބައިމީހުންގެ ކުރީގެ މީހުންގެ ޚަބަރު އެބައިމީހުންނާއި ހަމައަށް ނާންނަނީ ބާވައެވެ؟ އެއީ، ނޫހުގެފާނުގެ ޤައުމުގެ މީހުންނާއި، ޢާދުބާގާ މީހުންނާއި، ثمود ބާގާ މީހުންނެވެ. އަދި އިބްރާހީމް ގެފާނުންގެ ޤައުމުގެ މީހުންނާއި، މަދުޔަނުގެ އަހުލުވެރީންނެވެ. (އެއީ ޝުއައިބުގެފާނުގެ ޤައުމުގެ މީހުންނެވެ.) އަދި، ފުށުން ޖެހިގެންދިޔަ ރަށްތަކެވެ. (އެއީ ލޫތުގެފާނުންގެ ޤައުމުގެ މީހުން އުޅުނު ރަށްތަކެވެ.) އެބައިމީހުންގެ ރަސޫލުން، އެބައިމީހުންގެ ގާތަށް، ފައުޅުވެގެންހުރި މުޢުޖިޒާތްތަކާއި ހެކިތަށް ގެންނެވިއެވެ. ދެން މާތްﷲ އެބައިމީހުންނަށް އަނިޔާކުރައްވާކަށް އިރާދައެއް ނުކުރެއްވިއެވެ. އެހެނެއްކަމަކު އެބައިމީހުން އަނިޔާކުރަމުން ގެންދިޔައީ އެބައިމީހުންގެ އަމިއްލަ ނަފްސުތަކަށެވެ. (سورةالتوبة 70)
އެބައިމީހުންގެ ކުރީގެ މީހުންގެ ޚަބަރު އެބައިމީހުންނާއި ހަމައަށް ނާންނަނީ ބާވައެވެ؟ އެއީ، ނޫހުގެފާނުގެ ޤައުމުގެ މީހުންނާއި، ޢާދުބާގާ މީހުންނާއި، ثمود ބާގާ މީހުންނެވެ. އަދި އިބްރާހީމް ގެފާނުންގެ ޤައުމުގެ މީހުންނާއި، މަދުޔަނުގެ އަހުލުވެރީންނެވެ. (އެއީ ޝުއައިބުގެފާނުގެ ޤައުމުގެ މީހުންނެވެ.) އަދި، ފުށުން ޖެހިގެންދިޔަ ރަށްތަކެވެ. (އެއީ ލޫތުގެފާނުންގެ ޤައުމުގެ މީހުން އުޅުނު ރަށްތަކެވެ.) އެބައިމީހުންގެ ރަސޫލުން، އެބައިމީހުންގެ ގާތަށް، ފައުޅުވެގެންހުރި މުޢުޖިޒާތްތަކާއި ހެކިތަށް ގެންނެވިއެވެ. ދެން މާތްﷲ އެބައިމީހުންނަށް އަނިޔާކުރައްވާކަށް އިރާދައެއް ނުކުރެއްވިއެވެ. އެހެނެއްކަމަކު އެބައިމީހުން އަނިޔާކުރަމުން ގެންދިޔައީ އެބައިމީހުންގެ އަމިއްލަ ނަފްސުތަކަށެވެ. (سورةالتوبة 70)
އެތައް ޤަރުނެއް ވަންދެން ކުރީގެ ބައެއް އުންމަތްތައްވަނީ ދީނެއްގެ ގޮތުގައި އިސްލާމްދީން ޚިޔާރުކޮށްފައެވެ. އަދި ބައެއް އުންމަތްތައްވަނީ ކާފިރުވެގެންފައެވެ. މާތް ﷲ އެ އުންމަތަކަށް ރަސޫލަކު ފޮނުއްވި އުންމަތްތަކުގެތެރެއިން އެބޭކަލުންގެ ރިސާލަތަށް އިންކާރުކުރި ގިނަ އުންމަތްތަކެއްވިއެވެ. އެބޭކަލުންގެ ރިސާލަތައް ތަބާވެފައިވަނީ ވަރަށް މަދު ބަޔެކެވެ. އަދި އެންމަތްތަކުގެ އަހުލުވެރިންކުރެ ގިނަބަޔަކު ވަނީ އެބޭކަލުންގެ ރިސާލަތަށް އިންކާރުކޮށްފައެވެ. އެބައިމީހުން އެބޭކަލުންގެ ރިސާލަތަށް އިންކާރުކުރުމަކުން ފުއްދައެއް ނުލައެވެ. ނަމަވެސް އެބައިމީހުންގެ ގާތަށް ހައްޤު ދީނާއިގެން ވަޑައިގެންނެވި ރަސޫލުންނާއި ނަބިއްޔުންނާއި އެބޭކަލުންނަށް ތަބާވީމީހުންނަށް އެތަކެއް ބޮޑެތި އަނިޔާތަކާއި ތުރާތަށް ކުރިމަތިކުރުވިއެވެ. އަދި އެބޭކަލުންނަކީ ދޮގުވެރިން ކަމަށާއި ސިހުރުވެރިންކަމަށާއި މޮޔައިންކަމަށް އެބައިމީހުން ހެދިއެވެ. އަދި އެބައިމީހުންގެ ވެރިން އެބޭކަލުން ޤަޠުލުކުރުމަށްވެސް މަސައްކަތްކޮށްފައި ވެއެވެ.
މާތް ﷲ ފޮނުއްވި ކޮންމެ ރަސޫލަކުވެސް ގޮވާލައްވާފައިވަނީ އެބައިމީހުން މާތްﷲ ތަޤުވާވެރިވުމަށެވެ. އެބޭކަލުން އެކަމަށްޓަކައި އެބައިމީހުންގެ ފުށުން އުޖޫރައަކަށް ނުވަތަ މުދަލަކަށް ނޭދެއެވެ. ނުވަތަ އެބައިމީހުންގެ މައްޗައް ގަދަކަންދައްކާ އަޅުވެތިކުރާކަށްވެސް ބޭނުމެއް ނުވެއެވެ. އެބޭކަލުންގެ އެދުމަކަށްވެވަޑައިގަތީ އެބައިމީހުންނަށް ތެދުމަގަށް ގޮވާލުމެވެ. މާތް ﷲ އަށް އަޅުކަންކުރުމަށާއި އެކަލާންގެ އަމުރުފުޅުތަކަށް ކިޔަމަންވެ އެބޭކަލުންނާއި އެބޭކަލުންނަށް ތަބަޢަވީ މީހުންނާ އެކު ވުމަށެވެ.
